Sunday, March 29, 2020

அன்னதானம் செய்தால்



கோடான கோடி நன்றிகள்   Astro Bakthavachalam...



அன்னதானம் செய்தால்: (ஜாதகத்தில் ஒன்பதாம் அதிபதி குரு சூரியன் ஆகியோரால் ஏற்படும் தோஷ பரிகாரம்)
பூர்வ ஜென்ம கர்மவினைகள் தீரும் . பித்ருக்களின் ஆசிர்வாதம் கிடைக்கும்.
ஆடைதானம் செய்தால்: (ஜாதகத்தில் ஏழாம் அதிபதி சுக்ரன் சந்திரன் ஆகியோரால் ஏற்படும் தோஷ பரிகாகம்)
தகாத உறவுக் குற்றங்கள் நீங்கும். பெண்களின் கற்பிற்கு ரட்சையாக இருக்கும்.
காலணி தானம்: ( ஜாகத்தில் சனி , கேது மற்றும் 12ம் அதிபதி ஆகியோரால் ஏற்படும் தோஷ பரிகாரம்)
பெரியோர்களை நிந்தித்த பாவம் விலகும்.தீர்த்த யாத்திரை செய்த பலன் கிடைக்கும்.
மாங்கல்ய தானம்: ( ஜாதகத்தில் ஏழு மற்றும் எட்டாம் அதிபதி ஆகியோரால்ஏற்படும் தோஷ பரிகாரம)
காமக் குற்றங்கள் அகலும். தீர்க்க மாங்கல்ய பாக்யம் உண்டாகும் .
குடை தானம்: (ஜாதத்தில் சனி மற்றும் கேது, லக்னாதிதியால் ஏற்படும் தோஷ பரிகாரம்)
தவறான வழியில் சேர்த்த செல்வத்தினால் ஏற்பட்ட பாவம் விலகும். குழந்தைகளுக்கு சிறப்பான எதிர்காலம் உண்டாகும்.
பாய் தானம்: ( ஆறாம் அதிபதி மற்றும் பனிரெண்டாம் அதிபதி ஆகியோல் ஏற்படும் தோஷ பரிகாரம்)
பெற்றவர்களை பெரியவர்களை புறக்கணித்ததால் வந்த சாபங்கள் தீரும். கடும் நோய்களுக்கு நிவாரணம் கிட்டும். அமைதியான மரணம் ஏற்படும் .
பசு தானம்: (ஜாதகத்தில் இரண்டு நான்காம் பாவ அதிபதிகள் மற்றும் சுக்ரனால் ஏற்படும் தோஷ பரிகாரம்)
இல்லத்தின் தோஷங்கள் விலகும். பலவித பூஜைகளின் பலன்கள் கிடைக்கும்.
பழங்கள் தானம்: ( சுக்ரனால் ஏற்படும் தோஷ பரிகாரம்)
பல ஜீவன்களை வதைத்த சாபம் தீரும். ஆயுள் விருத்தியாகும்.
காய்கறிகள் தானம்: ( புதன் மற்றும ஐந்தாம் அதிபதியால் ஏற்படும் தோஷ பரிகாரம்)
பித்ரு சாபங்கள் விலகும் . குழந்தைகளின் ஆரோக்யம் வளரும்.
அரிசி தானம்: (சச்திரன மற்றும் பதினோராம் அதிபதி தோஷ பரிகாரம். மற்றும் புனர்பூ தோஷ பரிரம்)
பிறருக்கு ஒன்றுமே தராமல் தனித்து வாழ்ந்த சாபம் தீரும். வறுமை தீரும்.
எண்ணெய் தானம்: சனி தோஷ மற்றும் ஆறாம் அதிபதி தோஷபரிகாரம்)
நாம் அறிந்தும் அறியாமலும் செய்த கர்ம வினைகள் அகலும் .கடன்கள் குறையும்.
பூ தானம்: ( நான்காம் அதிபதி குரு தோஷ பரிகாரம்)
அந்தஸ்து காரணமாக பிறரை அவமதித்ததால் ஏற்படும் தீவினைகள் நீங்கும். குடும்ப வாழ்க்கை சுகமாகவும் , சாந்தமாகவும் அமையும்...

Sunday, March 15, 2020

எந்த வைரஸிடமிருந்து நம்மை பாதுகாக்கும் வல்லமை விஷ்ணு சகஸ்ரநாமத்துக்கு உண்டு.

கொரோனா வைரஸையும் கிட்ட நெருங்க விடாமல் செய்யும் மகிமை வாய்ந்தது விஷ்ணு சகஸ்ரநாமம்.
இன்று உலகையே உலுக்கிக் கொண்டிருக்கும் கொரோனா வைரஸ் மட்டுமல்ல எந்த வைரஸிடமிருந்து நம்மை பாதுகாக்கும் வல்லமை விஷ்ணு சகஸ்ரநாமத்துக்கு உண்டு. தினமும் விஷ்ணு சகஸ்ரநாமம் பாராயணம் செய்து வந்தால் எந்த வைரஸும் கிட்ட நெருங்காது. ஈசியாக சொல்லக் கூடிய மிகவும் சக்தி வாய்ந்த மந்திரம் என்கிறார் கி. மு. 800-ல் வாழ்ந்த இந்தியாவின் பண்டைய ஆயுர்வேத மருத்துவ மாமுனிவர் சுசுருதர்.
கொரோனா வைரஸ் என்று குறிப்பிட்ட வைரஸின் பெயரை அவர் சொல்லவில்லை என்றாலும், மனித உடலை தாக்கக்கூடிய எந்த ஒரு வைரஸிடமிருந்து காக்கக் கூடியது விஷ்ணு சகஸ்ர நாமம் மந்திரம் என்கிறார். விஷ்ணு சகஸ்ரநாமம் தெரியாதவர்கள்
| ஓம் நமோ நாராயணாய |
(அ)
| ஓம் நமோ பகவதே வாசுதேவாய |
என்ற நாராயண நாமத்தை தினமும் 108 முறை சொல்லி வந்தால் போதும்.
ஒரு டம்ளரில் தண்ணீரை எடுத்துக் கொள்ளுங்கள். அதில் 2 , 3 துளசி இலைகளை போட்டு மனதார விஷ்ணு சகஸ்ரநாமம் (அ) நாராயண மந்திரத்தை உச்சரித்தபடி பிரார்த்தனை செய்வதன் மூலம் வைரஸ் கிருமிகளிடமிருந்து நிரந்தரமாக நம்மை காத்துக் கொள்ளலாம்.

திருஞானசம்பந்தர் அருளிய திருநீலகண்ட திருப்பதிகம்

திருஞானசம்பந்தர் அருளிய திருநீலகண்ட திருப்பதிகம் | Thirugnanasambanthar’s Thiruneelakanda Thiruppathigam
https://youtu.be/qsR4X7_FE6k
ஞானசம்பந்தப்பெருமான் தன் அடியாருடன்
திருச்செங்கோட்டுக்கு வருகை தந்த போது
கொங்குநாட்டில் விசக்காய்ச்சல் பரவியிருந்தது..
மக்கள் கடுமையான துயருக்கு ஆளாகியிருந்தனர்...
தொற்று நோயாகிய அந்த
விசக்காய்ச்சலினால் பாதிக்கப்பட்ட அன்பர் பெருமக்களை
காத்தருள வேண்டி திருவுளங்கொண்டார் ஞானசம்பந்தப் பெருமான்.
மக்கள் நலம் பெற வேண்டி இறையருளைச் சிந்தித்தார்
அவ்வேளையில்
பாடியருளிய திருப்பதிகம் தான் திருநீலகண்டத் திருப்பதிகம்
வினை வந்து எமைத் தீண்டப்பெறா திருநீலகண்டம்! - என்று, ஒவ்வொரு திருப்பாடலின் இறுதியிலும் ஆணையிட்டருளிய திருப்பதிகம்.
இறையருளால் நாடு முழுதும் விசக்காய்ச்சல் ஒழிந்தது..
மக்களும் பிணி நீங்கி நலம் பெற்றனர்.



Sulamangalam Sisters - Kandhar Sashti Kavasam

ஐரோப்பா கொரோனாவுக்கு அஞ்சி மருத்துவமும் உரிய பலனளிக்கா நிலையில் தெய்வத்திடம் ஓங்கி மன்றாட தொடங்கிவிட்டது
அறிவியல் உச்சத்தில் ஆடும் அந்த தேசங்கள் மருந்தில்லா நோய்க்கு தெய்வமே துணை என சரணடைந்துவிட்ட நேரம்
இந்நிலையில் தமிழர்கள் ஒரு காட்சியினை நினைத்து பார்க்கலாம்
அவர் பெயர் பால தேவராயர், தீரா நோயுற்றிருந்தார். நோய் என்றால் கடும் நோய் எந்த மருந்துக்கும் அடங்கா கொடும் நோய், மருந்தில்லா நோய்க்கு மரணமே தீர்வென கிளம்பினார் தேவராயர்
கடைசியாக திருச்செந்தூர் முருகனிடம் வேண்டிவிட்டு சாகலாம் என முடிவெடுத்து ஆலயம் சென்றவருக்கு முருகபெருமான் காட்சிஅளித்து ஒரு பதிகம் இயற்றுமாறும் அது அவர் நோயினை மட்டுமல்ல உலக நோயினை எல்லாம் நீக்கும் பாடல் என்றும், யாரெல்லாம் படிக்கின்றார்களோ அவர்கள் நோயும் அவர்கள் வேண்டுவோரின் நோயும் தீரும் என சொல்கின்றான்
அந்த இடத்தில் இருந்து பாட தொடங்குகின்றார் பால தேவராயர், அவர் பாடி முடிக்கவும் அவரின் கொடும்நோய் அகன்றது, அந்த மகிழ்ச்சியில் அறுபடை வீடெல்லாம் சென்று அந்த பாடலை தொகுத்து முடிக்கின்றார். அதுதான் கந்த சஷ்டி கவசம்
சஷ்டி என்றால் ஆறு, கவசம் என்றால் பாதுகாப்பு
நோய், பில்லி சூன்யம், வறுமை, வம்ச விருத்தி சிக்கல், மனநலம், தீரா கவலை உட்பட 6 வகையான கொடும் பிணிகளில் இருந்து கந்தன் மக்களை காக்கும் பாடலாக அது கொள்ளபட்டது
அக்காலத்தில் நோய்கள் பரவும் காலத்தில் இல்லம் தோறும், ஆலயம் தோறும் அதை பாடுவார்களாம், ஆம் அப்படியும் ஒரு காலம் இருந்தது குறிப்பில் இருக்கின்றது
ஆழந்த அர்தமிக்க பாடல் அது, ஒவ்வொரு வரியாக பாருங்கள் ஒவ்வொரு உறுப்பையும் அதன் இயக்கத்தையும் காத்தருள ஒப்புவிக்கும் பாடல் அது
பொடிபுனை நெற்றியைப் புனிதவேல் காக்க
கதிர்வேலிரண்டும் கண்ணினைக் காக்க
விதிசெவியிரண்டும் வேலவர் காக்க
நாசிகளிரண்டும் நல்வேல் காக்க பே
சிய வாய்தனைப் பெருவேல் காக்க
முப்பத்திருபல் முனைவேல் காக்க
செப்பிய நாவைச் செவ்வேல் காக்க
கன்னமிரண்டும் கதிர்வேல் காக்க
என்னிளங்கழுத்தை இனியவேல் காக்க
மார்பை ரத்தின வடிவேல் காக்க
ஒவ்வொரு உறுப்புக்கும் ஒவ்வொரு வேல் பெயரை சொல்லி காவல்தேடும் பாடல் அது
இதில் அறிவியலும் ஒளிந்திருக்கின்றது
ஆம் ஆழ்ந்த பக்தி மனநிலையில் ஒவ்வொரு உறுப்பாக சொல்லும்பொழுது அதில் கவனத்தை வைத்தால் உடல் தானாக அதை சரி செய்கின்றது என்கின்றது அறிவியல்
உளவியல் கொடுக்கும் உடல்நலம் இது, நிரூபிக்கபட்ட ஒன்று. இதைத்தான் கந்த சஷ்டி கவசமும் சொல்கின்றது
உச்சி முதல் பாதம் வரை ஒவ்வொன்றாக தியானித்து முருகனிடம் நலம்பெற சொல்லும் மருத்துவ தியான பாடல் இது
தொடரும் பாடலில் அர்த்தமில்லா சில வரிகள் வருவதாக தோன்றும், உண்மையில் அந்த வார்த்தைகள் அர்த்ததிற்கு அல்ல மாறாக சில அதிர்வுகளை கொடுப்பதற்காக‌
இப்பாடலில் சில இடங்களில் தமிழ் மொழியின் சில எழுத்துக்கள் மட்டும் இரட்டைப்படை மற்றும் ஒற்றைப்படை எண்களின் வரிசையில் அமைந்துள்ளது.
அக்கால புலவர்கள் ஞானமிக்கவர்கள், சித்தர்கள் சொன்ன நல்ல அதிர்வு, அதாவது தெய்வீக மற்றும் நேர்மறை சிந்தனையினை கொடுக்கும் சமஸ்கிருத வார்த்தைகளுக்கு நிகரான‌ சரியான தமிழ் வார்த்தைகளை வைத்து பாடியிருப்பார்கள்
தேவராயரும் அதை மிக சரியாக செய்து நல் அதிர்வுகளை கொடுக்கும் வார்த்தைகளை இப்பாடலில் புகுத்தியிருக்கின்றார்
உதாரணத்திற்கு சொல்ல வேண்டுமானால் , சிலருக்கு மெல்லிய மின்சார அதிர்வு கொடுப்பார்கள், அந்த அதிர்வினை சில வார்த்தைகளை முறையாக உச்சரித்தாலே உடல் பெறும்
ஓம் எனும் வார்த்தையினை ஓங்காரமாக சில நாழிகை இழுத்து ம்ம்ம்ம்ம்ம் என்பதை அழுத்தி சில நாழிகை இழுத்தாலே சில அதிர்வுகளை உணரமுடியும் என்பார்கள்
ஆலய வழிபாட்டின் பொழுது வெண்கல மணி கொடுக்கும் அதிர்வும் அத்தகையதே
அப்படியான வார்த்தைகள் பல கந்த சஷ்டி கவசத்தில் உண்டு, இதனால்தான் முருகன் ஆலயங்களில் அதை படிக்க வேண்டும் என்றார்கள்
குகைகளில் முருகன் ஆலயம் வைப்பதும் ஒரு அறிவியல், பொதுவாக கற்கள் சூழ்ந்த இடம் நல்ல சூழலை கொடுக்கும் நோய்கள் நெருங்கா, செங்கல் இருந்தும் மன்னர்கள் கற்களால் ஆலயம் கட்டிய தத்துவம் அதுவேதான்
முருகன் ஆலயம் என்பது உடல் நலம் பெற வேண்டிய இடம் என்பது எக்காலமுமான நம்பிக்கை, அதனால் சூழலும் அப்படி இருக்குமாறு பார்த்து பார்த்து கட்டினார்கள்
முருகனை வேண்டினால் உடல் நலம் பெறலாம் என்பதை எல்லா ஞானிகளும் மகான்களும் முருகன் அடியார்களும் சொல்லி வைத்தார்கள்
வரலாற்றில் அது உண்மை, முருகனை தொழுதோர் பலர் நீண்ட நெடிய வாழ்வு வாழ்ந்தவர்களே கண்முன்னே சாட்சிகள் ஏராளம்
நலம் பெற்றோர் ஏராளம், ஆசியாவினையே புரட்டி போட்ட சுனாமி திருச்செந்தூர் பக்கம் வாலை சுருட்டி இருந்தது என்பதும் கண்டது
இதைத்தான் பாடலாக சொன்னார்கள்
"முருகனைக் கூப்பிட்டு முறையிட்ட பேருக்கு
முற்றிய வினை தீருமே!
உடல் பற்றிய பிணி ஆறுமே!
வாழ்க்கை முற்றிலுமே நலம் பெற்று இனிதுற
மெத்த இன்பம் சேருமே.."
கொரோனா உலகை மிரட்டி குறிப்பாக ஐரோப்பாவினை சிதறு தேங்காயாக ஆக்கும் நேரமிது
அவர்கள் அவர்களின் தெய்வத்தை அழைத்து வேண்டுகின்றார்கள்
தமிழர்கள் தங்கள் தனிபெரும் கடவுளை, அவன் கொடுத்த பாடல் வழி தேடட்டும், தமிழருக்காய் அல்ல உலக மக்களுக்காய் முறையிடட்டும்
எந்த பாடலை பாடினால் உலக மக்களெல்லாம் நோயிலிருந்து விடுபடுவார்கள் என முருகனே சொன்னாரோ அந்த பாடல் பாடபடட்டும்
ஆலயத்திலும் வீடுகளிலும் கந்த சஷ்டி கவசம் ஒலிக்கட்டும், தீபங்கள் எரிய, நறுமணம் கமழ அது உருக்கமான பாடபடட்டும்
அதில் தமிழினம் பாதுகாக்கபடும், மானிட இனம் கொரோனாவில் இருந்து மீண்டெழும்
உலகெல்லாம் பிரார்த்தனைகள் ஓங்கி ஒலிக்கும் நேரம் தமிழரிடம் அவர்களின் மூலகடவுள் பாடலும் ஒலிக்கட்டும், காக்கும் கந்தன் எல்லோரையும் காக்கட்டும்..


Pamban Swamigal - Potri Vinappam (போற்றி விண்ணப்பம்) - Murugan Devotiona...